Comparison between Islam & Christianity

رسول عربی نے اپنی وفات سےکچھ مدت پہلے جمعتہ الوداع کے موقع پر مکہ میں اہل عرب کو یہ پیغام سنایا تھا ۔ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينًا " آج میں نے تمہارے لئے دین کو مکمل کردیا اور اپنی نعمت پوری کردی اور تمہارے لئے اسلام کو چنا (سورہ مائدہ آیت 5)۔

لئے دین کو مکمل کردیا اور اپنی نعمت پوری کردی اور تمہارے لئے اسلام کو چنا (سورہ مائدہ آیت 5)۔ منجی عالمین سیدنا عیسیٰ مسیح نے اپنی رسالت کےابتدائی ایام میں علی الاعلان فرمایاتھا کہ آپ کی آمد کا مقصد یہ تھا کہ بنی آدم کی نجات کا کام مکمل اور پورا ہو (انجیل شریف بہ مطابق حضرت یوحنارکوع 3آیت 16 ورکوع 4 آیت 34وغیرہ) مصلوب ہونے سے ایک رات پہلے آپ نے خدا سے مخاطب ہوکر فرمایا کہ بنی آدم کی نجات کا کام جو تونے مجھے کرنے کو دیا تھا اس پورا کرکے میں نے زمین پر تیرا جلال ظاہر کیا ۔" ( انجیل شریف حضرت یوحنارکوع 17 آیت 4) اور صلیب پر سے آپ نے دم واپسین اپنی زبان مبارک سے ارشاد فرمایا کہ " پورا ہو ا اور آپ نے جان دے دی ۔" (انجیل شریف حضرت یوحنا رکوع 19 آیت 30)۔

پس ارضِ مقدس کے کوہِ کلوری سے اوردشت ِ عرب کے شہر مکہ سے ایک ہی آواز بلند ہوتی ہے کہ " پورا ہوا " گذشتہ چودہ صدیوں سے مسیحیت اور اسلام میں متنازعہ فیہ امر یہی رہا ہے کہ کونسا مذہب جامع کامل اور عالمگیر ہے؟کس دین کے اصول بنی نوع انسان کی اقوام وملک کی روحانی اقتضاؤں کو پورا کرتے ہیں؟ کس مذہب کا بانی انسانِ کامل ہے جو کل دنیا کی اقوام کے افراد کے لئے کامل اور اکمل نمونہ ہوسکتا ہے ؟ کونسا مذہب گم شدہ گنہگار انسان کو یہ توفیق بخش سکتاہے کہ وہ ازسرِ نودنیا نفس اورشیطان پر غالب آکر صراطِ مستقیم پرچل سکے؟